Habitus pælatitius vacante Apostolica Sede:
* 
Solebant Patres Cardinales supremum munus eligendi Summum Pontificem exsequi cum crocia, nam in Cæremoniali Gregorii XV anni 1622 legitur crocis utuntur in electione et aliis actibus collegialiter faciendis. Erat crocia (quæ etiam cucullum audit CA, I, p. 53) cappa violacea lanea, caudata, in parte anteriori aperta et sine manicis, quæ super palliolo vel directe super rocheto induebantur. Certe inde a Bonifacio IX († 1404) crocia erat in usu, qui teste Piazza (p. 198) ejus usum præcepit; Bonanni (p. 445) refert usum crociæ tempore Pauli II circa 1464; Burchardus in suo librum notarum dicit cardinales ad conclave venire cum suis capucinis (palliolo) et crociulis (sic!) (p. 47, linea 35); Moroni scribens tempore Pii IX seu anno 1859 dicit crocias adhiberi a cardinalibus in conclavi (vol. 96, p. 225). Tamen post quatuor sæcula cardinales crociam reliquerunt et ea in conclavi pro electione Leonis XIII (1878) non induerunt. Senatores Romani usque ad Pium IX utebantur crocia serica ad instar cardinalium sed cum manicis. Vide Silvio Negro, Seconda Roma, p. 273. De crocia veste cardinalium in conclavi scripsit J. M. Suaresius, SS Basilicæ Vaticanæ olim Vicarius († 1677), Romæ 1670; vide Bonani, p. 445; Piazza, p. 305; Capparoni cardinale con crocia; Moroni, crocia, 18, p. 224, et passim.
*
Prelati di mantellone:
Prelati di mantellone:
* 
In capellis papalibus, loco mantelli, cubicularii induunt crociam laneam rosacei coloris cum amplis manicis ad dimidium brachium, similem crociæ caudatarium. Superimponitur palliolum humerale laneum cum subsutis e serico rosaceo, quod tempore hiemali cooperitur pellibus armellineis.
*
*
No comments:
Post a Comment