Falda Papalis - ~Mgr. Nabuco

Hello! Now is time to include what Mgr. Nabuco has to say about the Papal Falda.

*

*

[For those of you wondering why the posts are in Latin: I do not have a lot of time to post frequently. It would take time to translate the post into English, Spanish or Italian AND then type them, too. For those of you who are able to translate these small interesting pieces on the Vestments and are *willing* to share them, let me know. A friend of mine had the time and the will to translate some of these posts into Italian. If you can read Italian better than Latin and would like to read it, let me know and I will send it to you... If not, then just enjoy the pictures!].

*

*

Falda Papalis:

*

In officiis pontificalibus Papa utitur fimbria seu falda: est enim ampla vestis e tenui serico albo, quæ subter rochetum firmatur, quæque in parte anteriore se extendit usque deorsum ad longitudinem dimidii metri et in parte posteriori ad modum amplæ caudæ ad longitudinem centum viginti quinque centimetrorum, propterea cum fimbria cauda habitus talaris non extenditur.

*

*

In consistoriis secretis vero Papa utitur fimbria minori, quæ se extendit ad quartam partem metri in parte anteriori et ad dimidium metri in parte posteriori. Quando Papa ambulat fimbria suspenditur utrimque in parte anteriori a duobus protonotariis sive auditoribus S. R. Rotæ et a parte posteriori a duobus cubiculariis. Moroni, 23, p. 10; APC, 1907, p. 104.

*

*

Fimbria seu falda papalis alia erat serica, lanea alia, juxta tempus, nunc tamen usus fimbriæ laneæ obsolevit. Falda originem suam duxisse supponitur una cum magno pluviali, quod long ductum protenditur infra pedes Summi Pontificis. Vestes hæ solemnes sunt, præsertim cum Summus Pontifex in hexaphorone seu sede gestatoria vel in throno suo sedet. Quum tamen Papa ambulat hisce indutus vestibus duo prelati anteriorem partem sustinent, cardinales duo oras pluvialis, cubicularii duo seu princeps solio assistens posticam partem fimbriæ. Fateri debemus hujusmodi vestes ad ambulandum factas non fuisse, et sex personas eas attollentes præter cæremoniarios duos passus Summi Pontificis intercludere. In processionibus Corporis Christi usus fimbriæ erat nimis incommodus, proinde Papæ inde a Pio IX illam pro processione non amplius induunt. Moroni, 23, p. 10.

*

*